Qazaqstan rakqa qarsy medıtsınalyq jeliniń ortalyǵyna aınalý kerek - Halyqaralyq rakpen kúres odaǵynyń prezıdenti
ALMATY. 11 qarasha. QazAqparat /Ádilet Musahaev/ - Eýropalyq onkologııalyq mektepter Qazaqstandy qaterli isik dertine qarsy halyqaralyq medıtsınalyq baǵdarlamalardy ótkizýdegi mańyzdy el dep sanaıdy. Bul jaıynda Halyqaralyq rakpen kúres odaǵynyń prezıdenti Franko Kavallı Almatyda ótken "Zamanaýı onkologııa men radıologııany damytýdyń jetistikteri men keleshegi" atty konferentsııa barysynda aıtty.
Onyń aıtýynsha, Qazaqstan TMD elderi arasynda rakqa qarsy damytylatyn medıtsınalyq jeliniń ortalyǵyna aınalý kerek. "Eýropa men Qazaqstannyń medıtsına salasyndaǵy ǵylymı yntymaqtastyq qurýy óte mańyzdy dep sanaımyz jáne biz onyń odan ári nyǵaıyp, damýy úshin bar jaǵdaıdy jasaý kerekpiz", - deıdi F. Kavallı.
Sonymen qatar ol sońǵy 25 jyl tóńireginde dárigerler qaterli isik jaıynda kóp bile túsken. "Jalpy rak jaıynda aıtý qıyndaý, óıtkeni onyń júzdegen túri bar. Onyń 100 paıyzǵa deıin emdelgen keıbir túrlerin aıta alamyz. Olar lımfomdar, asqazan qaterli isigi jáne taǵy basqalar. Sonymen qatar sút bezi isigi jaıly aıtsaq, buryn bul dertke shaldyqqandardyń 30 paıyzy ǵana emdelse, qazirgi kúni bul kórsetkish 75-ke jetken. Jalpy alǵa jyljý bar, biraqta ony jyldamdatý qajet", - deıdi Halyqaralyq rakpen kúres odaǵynyń prezıdenti.
Sondaı-aq ol adamzat bul qaterli isikten tolyǵymen qashan aıyǵatynyn ókinishke oraı eshkim aıta almaıtyndyǵyn jetkizdi.
