Qazaqstan PRS Group reıtınginde jemqorlyqqa qarsy kórsetkishterin jaqsartty
140 eldiń ishinde Qazaqstan 66-orynda ornalasty jáne ótken jyldyń nátıjelerimen salystyrǵanda (2018 jylǵy 4 toqsan -69,5) eldik táýekelderdiń kórsetkishterin jaqsarta otyryp, 69,8 ball jınady.
PRS Group eldik táýekelderdiń reıtıngi úsh bloktan turady: saıası, ekonomıkalyq jáne qarjylyq táýekelder.
Bloktar boıynsha bólikte jaǵdaı kelesi túrde: saıası táýekelder boıynsha Qazaqstan 65,5 ball (2018 j. 4 toqsanynda 64,5 ball), ekonomıkalyq táýekelder boıynsha - 38,0 ball (36,5), qarjylyq táýekelder boıynsha - 36,0 ball (38,0) jınady. Osylaısha, ótken jylmen salystyrǵanda respýblıka 3 el táýekelderiniń bóliminiń ekeýi boıynsha ósim kórsetti.
Kóp jaǵdaıda reıtıngtegi osyndaı ilgerileý saıası táýekel komponentteriniń biri bolyp tabylatyn sybaılas jemqorlyq boıynsha kórsetkishti jaqsartý esebinen múmkin boldy. Ol 0 - den 6-ǵa deıingi shkala boıynsha sarapshylarmen baǵalanady, onda 0 - sybaılas jemqorlyqtyń eń joǵary deńgeıine, al 6 - eń tómengi deńgeıine sáıkes keledi.
Osy kórsetkish boıynsha Qazaqstan bıylǵy jyldyń 1 toqsanynyń qorytyndysy boıynsha 3 ball aldy, ótken jyldyń sáıkes kezeńimen salystyrǵanda (1,5) óz kórsetkishin eki ese jaqsartty. Usynylǵan kestede 2018 jyldyń basynan bastap osy kórsetkish boıynsha eldiń toqsan saıynǵy ósimi kórsetildi. Bul Qazaqstannyń osy reıtıngte bolǵan barlyq ýaqyttaǵy eń jaqsy nátıjesi.
Qazaqstan TMD-nyń barlyq elderin senimdi basyp ozýda (Reseı - 1,5, Ázerbaıjan - 1,5, Belarýs - 2, Armenııa-2 ball).
Sonymen qatar, PRS Group reıtınginde bizdiń elimiz Brazılııa (2), Serbııa (2), Taıland (2), Latvııa (2,5), Grekııa (2,5), Malaızııa (2,5), Túrkııa (2,5), Úndistan (2,5) sııaqty memleketterden asyp tústi.
Qazaqstanmen bir orynda Italııa, Polsha, Vengrııa, Chehııa jáne Horvatııa ornalasqan.