Qazaqstan prokýrorlary ArselorMittal isi boıynsha Lıýksembýrg organdaryna ótinim joldady

ASTANA. QazAqparat – Qazaqstannyń prokýrorlary ArselorMittal kompanııasynyń birinshi basshylarynan jaýap alý úshin Lıýksembýrg organdaryna ótinim joldady, dep habarlaıdy QazAqparat tilshisi.

QR Bas prokýratýrasynyń resmı ókili Darhan Dúısembaıdyń aıtýynsha, atalǵan saýal elimizdegi «ArselorMıttal Temirtaý» shahtalaryndaǵy apat boıynsha tergeý amaldaryna qatysty joldanyp otyr. Osy oraıda, Qazaqstannyń prokýrorlary ArselorMittal basshylyǵynan shahtalar men óndiriste qaýipsizdikti kúsheıtý, jumysshylarǵa tıisti jaǵdaı jasaý, apattarǵa jol bermeý salasynda atqarylatyn is-qımyldarǵa qatysty jaýap alady.

Budan buryn habarlanǵandaı, byltyr «ArselorMıttal Temirtaý» kompanııasynda ónerkásiptik qaýipsizdik talaptaryn buzýdyń 2 myńǵa jýyq deregi anyqtaldy.

Eske salaıyq, byltyr 3 qarashada osy kompanııaǵa qarasty Kómir departamentiniń Lenın atyndaǵy shahtasynda metan gazynyń jarylysy bolyp, kenshiler qaza bolǵan edi.

Artynsha bul oqıǵa boıynsha qylmystyq is qozǵaldy.

Sondaı-aq, byltyr 8 jeltoqsanda «ArselorMıttal Temirtaý» AQ metallýrgııalyq zaýytynyń kokshımııalyq óndirisinde adam ólimine ákelgen apat boldy. Apattan 1982 jyly týǵan qyzmetker kóz jumdy.