Qazaqstan progress jolynda nyq ilgerilep barady - Sheıh-Ýl-Islam Allahshýkıýr Pashazade

Bul týraly Álemdik jáne dástúrli dinder kóshbasshylary sezi hatshylyǵynyń HHІ otyrysynda Kavkaz Musylmandary basqarmasynyń tóraǵasy Sheıh-Ýl-Islam Allahshýkıýr Pashazade aıtty, dep habarlaıdy Kazinform.

«Osynaý jalpyazamattyq mańyzdy bastamany kóterip, turaqty jumys isteýine jaǵdaı jasap otyrǵan Qazaqstanǵa jáne onyń kóregen saıası basshylyǵyna shynaıy rızashylyǵymdy bildirgim keledi. Qazaqstan Prezıdenti, joǵary mártebeli Qasym-Jomart Toqaevtyń basshylyǵymen Qazaqstan progress jáne ónegeli damý jolynda nyq ilgerilep bara jatyr. Eldegi mádenı jáne rýhanı murany, sonymen qatar saıası jáne ekonomıkalyq salalardy damytýda úlken jumystar júrgizilip, mańyzdy jobalar men bastamalar júzege asyrylyp jatyr», - dedi Sheıh-Ýl-Islam Allahshýkıýr Pashazade.

Sonymen qatar ol Qazaqstan aldaǵy ýaqytta da dinaralyq jáne órkenıetaralyq dıalogty damytý protsesinde mańyzdy ról oınaıtyndyǵyna senimdi ekendigin basa aıtty.

«Álem úlken kúızelisti bastan keshirip jatqan qazirgi sátte adamdardyń yntymaqtastyǵy ıdeıasy buryn-sońdy bolmaǵan mańyzǵa ıe bolyp otyr. Jáne de adam ómirin qorǵaý barlyq ýaqytta da buljymas basymdyq sanalady. Bul Alla taǵala syıǵa tartqan qasıetti qundylyq. Órkenıetterdiń qaqtyǵysýyna túrtki bolýǵa tyrysý álemde úlken apattyń shegine shyǵarýy múmkin», - dedi Kavkaz Musylmandary basqarmasynyń tóraǵasy.