Qazaqstan prezıdenttigine kandıdat Fatıma Bızaqovanyń qujattary qabyldandy

ASTANA. QazAqparat - Ortalyq saılaý komıssııasy Qazaqstan prezıdenttigine úmitker Fatıma Bızaqovanyń qujattary qabyldanǵanyn rastady. Kandıdatty «Tájirıbelik psıhologııa» qoǵamdyq birlestigi usynyp otyr, dep habarlaıdy QazAqparat.

«Fatıma Bızaqovanyń «Tájirıbelik psıhologııa» respýblıkalyq qoǵamdyq birlestiginen Qazaqstan Respýblıkasynyń Prezıdenttigine kandıdat bolyp usynylǵany týraly kelesi qujattary usynyldy:

1. «Tájirıbelik psıhologııa» respýblıkalyq qoǵamdyq birlestiginiń joǵary organy otyrysynyń Qazaqstan Respýblıkasynyń Prezıdenttigine kandıdat bolyp usyný týraly hattamasynan úzindi;

2. F.Bızakovanyń Qazaqstan Respýblıkasynyń Prezıdenttigine kandıdat bolýǵa kelisimi týraly ómirbaıandyq derekteri qosa berilgen ótinishi;

3. Qazaqstan Respýblıkasy Ortalyq saılaý komıssııasynyń shotyna saılaý jarnasynyń engizilgenin kýálandyratyn qujat;

4. Jeke basyn kýálandyratyn qujattyń kóshirmesi;

5. Joǵary bilimi týraly dıplomynyń kóshirmesi», - dep jazdy OSK.