Qazaqstan Prezıdentiniń Reseıge memlekettik sapary aıaqtaldy
ASTANA. KAZINFORM – Qazaqstan Prezıdentiniń Reseı Federatsııasyna memlekettik sapary aıaqtaldy. Bul týraly Aqordanyń baspasóz qyzmeti habarlady.
Vnýkovo áýejaıynda Prezıdent Qasym-Jomart Toqaevty Reseı Úkimeti Tóraǵasynyń orynbasary Alekseı Overchýk pen basqa da resmı tulǵalar shyǵaryp saldy.
Aıta keteıik, 12 qarashada Kremlde Qasym-Jomart Toqaevty resmı qarsy alý rásimi ótti.
Qarsy alý rásiminen keıin Qasym-Jomart Toqaev pen Vladımır Pýtın kelissóz ótkizdi.
Kelissóz barysynda Reseı Federatsııasynyń prezıdenti Vladımır Pýtın Qazaqstan men Reseı — jaqyn seriktes, dostas ári odaqtas elder ekenin aıtty.
Keıinnen eki el basshysy keńeıtilgen quramda kelissóz júrgizdi.
Budan bólek Memleketter basshylary Oral qalasynda ótip jatqan XXI Qazaqstan – Reseı óńiraralyq forýmynyń plenarlyq sessııasyna beınebaılanys arqyly qatysty.
Іs-shara kezinde Qazaqstan Prezıdenti Qasym-Jomart Toqaev atom elektr stansasy qurylysyna qatysty máselelerge toqtaldy.
Qasym-Jomart Toqaev pen Vladımır Pýtın kelissózder qorytyndysy boıynsha Qazaqstan Respýblıkasy men Reseı Federatsııasynyń memleketaralyq qarym-qatynasyn jan-jaqty strategııalyq seriktestik jáne odaqtastyq deńgeıine deıin jetkizý jónindegi deklaratsııaǵa qol qoıdy.
Sondaı-aq Qazaqstan-Reseı tarapy qosymsha 13 kelisim qabyldandy.
Memleket basshysy Qasym-Jomart Toqaev pen Prezıdent Vladımır Pýtın Qazaqstan ónerpazdarynyń gala-kontsertine bardy.