Qazaqstan Prezıdentiniń Ilon Mask platformasyna ınvestıtsııalaýǵa úndeýi – dıpfeık

Áleýmettik jelilerde QR Prezıdenti Qasym-Jomart Toqaev qazaqstandyqtardy Ilon Mask jańadan jasaǵan ınvestıtsııalyq platformaǵa qarjy salýǵa úndeıtin vıdeo taratylyp jatyr. Stopfake.kz anyqtaǵandaı, bul – feık, dep habarlaıdy Kazinform.

«Biz vıdeony dıpfeıktiń onlaın detektorynyń kómegimen tekserip, onyń neırojeli arqyly jasalǵanyn anyqtadyq.

Іri qazaqstandyq jáne aǵylshyntildi BAQ-ta Ilon Mask pen QR Úkimeti birlesip belgili bir ınvestıtsııalyq platforma ázirlegeni týraly aqparattar joq. Bul týraly QR Prezıdentiniń resmı saıtynda da jazylmaǵan.

Jelide Ilon Masktyń ınvestıtsııalyq platformasy týraly jarııalanymdar kóp. Olardyń bárinda aqparattyń jalǵan ekendigi aıtylǵan. Ilon Mask passıvti tabys tabý úshin platforma jasaǵan joq, al mundaı startaptarǵa aqsha salýǵa úndeý – kıber alaıaqtardyń isi bolyp tabylady.

Demek, taralǵan habarlamaǵa senbegen jón. QR Prezıdentiniń vıdeosy – dıpfeık, al Ilon Maskta ınvestıtsııalyq platforma joq», - delingen málimette.

Vıdeo aıtylǵandaı, saıtta ótinim qaldyrǵan árbir turǵyn kem degende 5 myń dollar tabys taba alady. «Ilon Mask jáne jeke ózim sizderdi tabys tabýdyń jáne ınvestıtsııanyń jańa kókjıegin ashatyn atalǵan biregeı platformaǵa qosylýǵa shaqyramyn», - deıdi «Prezıdent» vıdeoda.