Reseıdiń Sý-35 ushaqtary Qazaqstan Prezıdentiniń bortymen Máskeýge deıin qaptaldasyp ushty
ASTANA. KAZINFORM — Memlekettik shekaradan ótken sátten Máskeý áýejaıyna qonǵanǵa deıin Reseıdiń áýe keńistiginde Qazaqstan Prezıdentiniń bortymen birge RF Qorǵanys mınıstrliginiń Sý-35 ushaqtary qaptaldasyp ushty. Bul týraly Aqordanyń baspasóz qyzmeti habarlady.
Eske salsaq, budan buryn Prezıdent 11-12 qarashada Reseı Federatsııasyna memlekettik saparmen baratyny habarlandy.
Memleket basshysy Prezıdent Vladımır Pýtınmen kelissózder júrgizedi.
Sondaı-aq Oral qalasynda ótetin HHІ Qazaqstan men Reseı óńiraralyq yntymaqtastyq forýmynyń plenarlyq sessııasyna beınebaılanys arqyly qatysady.
Sapar aıasynda birqatar ekijaqty mańyzdy qujatqa qol qoıý josparlanyp otyr.
Sonymen qatar Rossııskaıa gazeta basylymynda Memleket basshysy Qasym-Jomart Toqaevtyń «Máńgilik dostyq — halyqtarymyzǵa jol silter temirqazyq» degen taqyryppen avtorlyq maqalasy jaryq kórdi.
Qasym-Jomart Toqaev avtorlyq maqalasynda eki eldiń shekarasy týraly sharttyń bekitilgenine 20 jyl tolǵanyn eske saldy.
Keshe Peskov Qasym-Jomart Toqaevtyń Máskeýge memlekettik saparyna daıyndyq barysyn baıandady.