16:19, 05 Qarasha 2024 | GMT +5
Parıjde Qazaqstan Prezıdentin saltanatty qarsy alý rásimi ótti
ASTANA. KAZINFORM – Qasym-Jomart Toqaevtyń Frantsııa Respýblıkasyna memlekettik sapary saltanatty qarsy alý rásiminen bastaldy.
Memleket basshysyn áskerı orkestrdiń súıemeldeýimen Prezıdent Emmanıýel Makron qarsy aldy. Qazaqstan men Frantsııanyń memlekettik ánurandary shyrqaldy.
Prezıdentter respýblıkalyq gvardııa, áýe-ǵarysh, qurlyq jáne teńiz áskerlerinen jasaqtalǵan Qurmet qaraýylynyń aldynan júrip ótti. Budan keıin memleketter basshylary Qurmet qaraýylynyń saltanatty sherýin tamashalady.
Qasym-Jomart Toqaev pen Emmanıýel Makron bir-birine resmı delegatsııa múshelerin jáne qurmetti qonaqtardy tanystyrdy.
