Qazaqstan Prezıdentiniń «Táýelsizdik dáýiri» kitaby bosnııalyq tilde jaryq kórdi
Qazaqstannyń Horvatııada, Bosnııa men Gertsegovınada jáne Chernogorııadaǵy Elshiliginiń uıymdastyrǵan is-sharasyna áleýmettik-saıası, iskerlik jáne akademııalyq toptardyń ókilderi, dıplomattar men jýrnalıster, sondaı-aq stýdentter men jastar qatysty.
Tusaýkeserdi ashqan Qazaqstannyń Elshisi Tólejan Barlybaev «Táýelsizdik dáýiri» kitaby táýelsiz Qazaqstannyń qurylýynyń barlyq satylarynyń irgeli jáne jan-jaqty sıpattamasyn, memlekettik reformalardyń aýqymyn jáne tereńdigin kórsetip, Qazaqstannyń biregeı jáne sátti damý modelin qurýdaǵy eń kúrdeli mindetterdi eńserý ekenin atap ótti. Dıplomat óziniń qurýshysy jáne sáýletshisi bolyp tabylatyn Nursultan Nazarbaev jazǵan táýelsizdik shejiresi kóptegen oqyrmandarǵa qyzyǵýshylyq týǵyzatynyna senim bildirdi.
Basylymnyń aýdarmasyn redaktsııalaǵan bosnııalyq qoǵam qaıratkeri, professor Hılmııa Baıgorıch «Táýelsizdik dáýiri» kitabynyń mazmuny men Qazaqstan Respýblıkasynyń kóshbasshysynyń qyzmetine degen tańdanysyn jasyra almady. «Prezıdent N.Nazarbaev kúrdeli tarıhı daǵdarys kezeńinde jetekshilik ettip, alaıda, qyındyqtarǵa qaramastan, eldegi jaǵdaıdy túbegeıli ózgertetin keń aýqymdy saıası jáne ekonomıkalyq reformalardy bastap, olardy tabysty júzege asyrdy», - dep atap ótti ol. Qazaqstan kóshbasshysynyń eń mańyzdy izgiliginiń biri retinde, ǵalymnyń aıtýynsha, onyń el taǵdyry men halqyna baılanysty jaýapkershiligi. «Nursultan Nazarbaevtyń jáne oǵan úlken senim artqan qazaqstandyqtardyń arqasynda, Qazaqstan táýelsizdik jolynda barlyq qıyndyqtardy jeńip shyqty, kópultty qoǵamda beıbitshilik pen kelisimdi saqtap qaldy», - dep professor óz pikirin bildirdi.
Sonymen qatar, kitapti jaryqqa shyǵarýǵa at salysqan Qazaqstan Respýblıkasynyń Bosnııadaǵy Qurmetti konsýly Amel Dızdarevıchte Qazaqstannyń kóshbasshysynyń jańa memlekettiń qurylysyna qosqan tarıhı úlesin joǵary baǵalady. Nursultan Nazarbaev jaýapkershiliktiń barlyq aýyrtpalyǵyn ózine alyp, qazaq handyǵynyń negizin qalaýshylary Jánibek pen Kereı sekildi Qazaqstan halqyn jarqyn bolashaqqa shıraq qadammen bastady. Qazaqstan kóshbasshysy qazaq halqynyń jańa tarıhynyń avtory retinde, HH-HHІ ǵasyrdaǵy eń kórnekti álemdik saıası kóshbasshylardyń biri jáne «Táýelsizdik dáýiriniń» kitabyn jarııalaýǵa qatysqany úshin maqtan tutatynyn, sonymen birge, Qazaqstanda turǵan kezinde ómirdiń jeke áserleri men eldegi bolǵan aýqymdy ózgeristerin tereń túsingeni týraly baıandady.
Bosnııa jáne Gertsegovına Tuńǵysh Prezıdenti Mýzeıinde ótken «Táýelsizdik dáýiri» kitabynyń tusaýkeseri qoǵam men buqaralyq aqparat quraldarynyń arasynda keń kólemde rezonansqa ıe boldy. Qazaqstan Elshiligi kitaptyń syılyq basylymdaryn Bosnııa jáne Gertsegovınadaǵy qoǵamdyq jáne ýnıversıtettik kitaphanalaryna joldaıtyn bolady.
