Qazaqstan Prezıdentiniń Samarqandqa jumys sapary aıaqtaldy
NUR-SULTAN. QazAqparat - Qazaqstan Prezıdentiniń Samarqandqa jumys sapary aıaqtaldy. Memleket basshysyn áýejaıdan Ózbekstannyń Premer-mınıstri Abdolla Arıpov shyǵaryp saldy, dep habarlaıdy Aqordanyń baspasóz qyzmeti.
Aıta keteıik, keshe Prezıdent Qasym-Jomart Toqaev Shanhaı yntymaqtastyq uıymyna múshe memleketter basshylary keńesiniń Sammıtine qatysý úshin jumys saparymen Samarqand qalasyna bardy.
QR Prezıdentin ShYU Sammıti ótetin jerde Shavkat Mırzıeev qarsy aldy.
Búgin Qasym-Jomart Toqaev Shanhaı yntymaqtastyq uıymyna múshe memleketter basshylary keńesiniń shaǵyn quramdaǵy otyrysyna qatysty, sondaı-aq ShYU-ǵa múshe memleketter basshylary Keńesiniń keńeıtilgen quramdaǵy otyrysynda sóz sóıledi.
Foto: t.me/bort_01
