Qazaqstan Prezıdentiniń Ózbekstanǵa alǵashqy memlekettik sapary jónindegi vıdeo
TAShKENT. QazAqparat - Qazaqstan Prezıdentiniń Ózbekstanǵa alǵashqy memlekettik sapary jónindegi vıdeo Qasym-Jomart Toqaevtyń Instagram-ynda jarııalandy, dep habarlaıdy QazAqparat.
Eske sala ketsek, 2019 jyldyń 14-15 sáýirinde Qazaqstan Respýblıkasynyń Prezıdenti Qasym-Jomart Toqaevtyń Ózbekstanǵa alǵashqy memlekettik sapary ótti. Tashkentte Qasym-Jomart Toqaev Ózbekstan Respýblıkasynyń Prezıdenti Shavkat Mırzıeevpen kezdesý ótkizdi.
Kelissózder barysynda prezıdentter dástúrli dostyq, ózara syılastyq, senim men ashyq rýhta eki jaqty qatynastardyń negizgi máselelerin, ózara múddelilik tanytylǵan ózekti óńirlik jáne halyqaralyq problemalardy talqylap, eki el arasyndaǵy keńformatty yntymaqtastyqty odan ári tereńdetý men keńeıtýdiń perspektıvalaryn qarastyrdy.
Qasym-Jomart Toqaev kelissózder sátti ótti dep baǵalady.
Budan basqa Qazaqstan Prezıdenti Qasym-Jomart Toqaev pen Ózbekstan prezıdenti Shavkat Mırzıeev birlesken málimdeme jasady.
Sondaı-aq Ózbekstanǵa memlekettik sapary barysynda Qazaqstan Prezıdenti ózbek ultynyń beıbitshilik pen bostandyqqa, meıirimdilik pen tatý kórshilikke, dostyq pen baýyrlastyqqa umtylysyn aıshyqtaıtyn Táýelsizdik jáne gýmanızm monýmentine gúl shoǵyn qoıdy.
Sondaı-aq Qasym-Jomart Toqaev pen Shavkat Mırzıeev júrgizilgen kelissózderdiń qorytyndysy boıynsha BAQ ókilderi úshin brıfıng ótkizdi.
Budan soń memleket basshylary Ózbekstandaǵy Qazaqstan jylynyń ashylý rásimine qatysty.
Onyń barysynda Qazaqstan óneriniń qaıratkerleri men sahna sheberleri jáne shyǵarmashylyq ujymdarynyń qatysýymen gala-kontsert boldy.
