Qazaqstan Prezıdentiniń kitaby alǵash ret latysh tilinde jaryq kórdi
ASTANA. QazAqparat - Latvııada tuńǵysh ret Qazaqstan Respýblıkasy Prezıdenti Nursultan Nazarbaevtyń «G-global: XXI ǵasyr álemi» atty kitaby jaryqqa shyqty. Bul Elbasynyń latysh tilinde basylyp shyqqan alǵashqy eńbegi, dep habarlaıdy QR Syrtqy ister mınıstrliginiń baspasóz qyzmeti.
Qazaqstan Prezıdentiniń kitaby ústimizdegi jyldyń 27 aqpany men 1 naýryzynda Baltyq elderindegi eń úlken «Kıpsala»kórme ortalyǵynda ótkizilgen «Kitap-2015» atty kitaptar men basylymdar halyqaralyq kórmesiniń ashylý saltanatynda tanystyryldy.
Tanymal latysh saıasatkerleri: Jýrnalıster odaǵynyń prezıdenti ıÝrıs Paıders, Tele jáne radıo taratý qaýymdastyǵynyń basshysy Gýnta Lıdaka atalmysh shyǵarmada qazirgi kezeńde adamzatty tolǵandyratyn aýqymdy máseleler kóterilgendigin atap ótti. G-GLOBAL qazaqstandyq bastamasy bul búkil álemniń ǵalymdary, daryndy jastardy, medıa ókilderi, qoǵamdyq jáne bıznes qurylymdardy tartý arqyly álemdik qarjy jáne ekonomıkalyq daǵdarystan shyǵýdyń tıimdi joldaryn izdeý bolyp tabylady.
Sarapshylardyń aıtýynsha, kitap 2013 jyly jazylsa da, avtor búgingi kúngi ǵalamdyq oqıǵalar men ekonomıka jáne halyqaralyq saıasattaǵy aıtýly ózgeristerdi boljaı bilgen. Jan-jaqty taldaý, ishki, sondaı-aq ǵalamdyq úderisterdi tereń túsinýi arqasynda kitapty saıasatkerler men sarapshylar ortasynda ǵana emes, sonymen qatar, qalyń oqyrmandardyń arasynda da tanymal etedi. Kitapta kóterilgen máseleler búgingi kúni de asa ózekti bolyp otyr, oǵan qosa, atalmysh eńbektiń qazirgi tańda ómirlik mán-mańyzy zor. Bul qazaqstandyq kóshbasshy saıasatynyń kóregendiligin dáleldeı túsedi.
Latvııanyń Eýroodaq keńesindegi tóraǵalyǵy jyly ótken kitaptyń tusaýkeseri eki memleket úshinde asa mańyzdy oqıǵaǵa aınaldy.
