Qazaqstan Prezıdentiniń bir aptadaǵy jumysyna sholý
NUR-SULTAN. QazAqparat - QR Prezıdentiniń baspasóz hatshysy Berik Ýálı Facebook-tegi paraqshasynda Qasym-Jomart Toqaevtyń aptalyq jumysyna qysqasha vıdeosholý jarııalady, dep habarlaıdy QazAqparat.
«Qazaqstan Prezıdenti Qasym-Jomart Toqaevtyń 29 sáýir - 05 mamyr aralyǵyndaǵy aptalyq jumysyna qysqasha sholý», delingen jazbada.
Eske sala ketsek, 3 mamyrda Qazaqstan Prezıdenti - Qarýly kúshterdiń Bas qolbasshysy Qasym-Jomart Toqaev «Kóktal» oqý polıgonynyń negizgi nysanyn aralap, «Aıbalta-2019» strategııalyq komandalyq-shtabtyq oqý-jattyǵýynyń ótkizilý barysymen tanysty.
2 mamyrda Qasym-Jomart Toqaev jumys saparymen Almaty oblysynyń ortalyǵy Taldyqorǵan qalasynda boldy. Al, 30 sáýirde Qasym-Jomart Toqaev jumys saparymen Almatyǵa keldi.
Apta basynda 29 mamyrda elordada QR Tuńǵysh Prezıdenti - Elbasy, Qazaqstan halqy Assambleıasynyń Tóraǵasy Nursultan Nazarbaevtyń tóraǵalyǵymen ótken Qazaqstan halqy Assambleıasynyń XXVII sessııasy jumysyna Qazaqstan Prezıdenti Qasym-Jomart Toqaev qatysty.
