Qazaqstan Prezıdentiniń BAÁ-ge sapary barysynda qandaı qujattarǵa qol qoıyldy

ÁBÝ-DABI. QazAqparat – QR Prezıdenti Qasym-Jomart Toqaev pen Ábý-Dabıdiń murager hanzadasy sheıh Muhammed ben Zaıd Ál Nahaıan kezdesýiniń nátıjesinde birqatar qujatqa qol qoıyldy, dep habarlaıdy QazAqparat tilshisi.

Atap aıtqanda, QR Energetıka mınıstrligi men BAÁ Energetıka jáne ónerkásip mınıstrligi arasynda munaı-hımııa ónerkásibi salasyndaǵy ózara túsinistik pen yntymaqtastyq týraly memorandým jasaldy. Qazaqstan tarapynan qujatqa Energetıka mınıstri Nurlan Noǵaev, al Ámirlikter tarapynan Energetıka jáne ónerkásip mınıstri Sýheıil Ál-Mazýrı qol qoıdy.

Sonymen qatar, QR Saýda jáne ıntegratsııa mınıstrligi men BAÁ ekonomıka mınıstrligi arasyndaǵy ózara túsinistik týraly memorandýmǵa qazaqstandyq taraptan QR Saýda jáne ıntegratsııa mınıstri Baqyt Sultanov, al BAÁ tarapynan Ekonomıka mınıstri Sultan Ál-Mansýrı qol qoıdy.

«Astana» halyqaralyq qarjy ortalyǵynyń qarjylyq qyzmet kórsetýdi retteý jónindegi komıteti men BAÁ Ortalyq banki arasyndaǵy ózara túsinistik týraly memorandýmǵa Qazaqstan tarapynan AHQO basqarýshysy Qaırat Kelimbetov, Qarjylyq qyzmet kórsetýdi retteý jónindegi komıtettiń bas dırektorynyń mindetin atqarýshy M.Býbeev pen Ámirlikter tarapynan Ortalyq bank tóraǵasy Múbarak Ál-Mansýrı qol qoıdy.

Eske sala ketsek, Memleket basshysy Qasym-Jomart Toqaev resmı saparmen Birikken Arab Ámirlikterinde júr.