Qazaqstan Prezıdentiniń Ázerbaıjanǵa resmı sapary aıaqtaldy
Bul týraly QazAqparat BORT№1 Telegram kanalyna silteme jasap habarlaıdy.
Aıta keteıik, búgin Memleket basshysy resmı saparmen Ázerbaıjanǵa baryp, Ilham Álıevpen kezdesti. Sondaı-aq Prezıdent Ázerbaıjan basshysymen keńeıtilgen quramda kelissózder júrgizip, eki el arasynda mańyzdy birqatar qujatqa qol qoıyldy.
Kelissózderdiń nátıjesi boıynsha Memleketter basshylar málimdeme jasady.
«Biz yqpaldastyqty basynan bastadyq jáne búginde biz elderimiz arasyndaǵy strategııalyq seriktestik pen odaqtastyq týraly senimdi túrde aıta alamyz. Osy seriktestigimizdi odan ári nyǵaıtý, ony ártaraptandyrý týraly deklaratsııaǵa qol qoıyldy. Bul – alǵa qaraı jasalǵan naqty qadam. Aramyzda senimdi saıası dıalog ornady, memleketterimiz halyqaralyq alańdarda, eń aldymen Birikken Ulttar Uıymy, EQYU, Túrik memleketteriniń uıymy aıasynda yntymaqtasyp keledi.
Ótken jyldyń qorytyndysy boıynsha ózara taýar aınalymynyń kólemi 3 ese artqanyn atap ótkim keledi, ıaǵnı ósý qarqyn saqtalyp keledi. Alaıda jalpy alǵanda, bul nátıje aıtarlyqtaı kóp emes, sondyqtan búgin ózara saýdanyń absolıýtti kórsetkishin arttyrýǵa kúsh salý jónindegi ýaǵdalastyqqa qol jetti. Múmkin jaqyn bolashaqta mıllıradtyq meje týraly aıtatyn bolarmyz»,-dedi Qasym-Jomart Toqaev.
Foto: t.me/bort_01
