Qazaqstan Prezıdenti Úshtóbe qalasyndaǵy mektepke bardy

ALMATY OBLYSY. QazAqparat - Qazaqstan Prezıdenti Úshtóbe qalasyndaǵy mektepke bardy, dep habarlaıdy Aqordanyń baspasóz qyzmeti.

Memleket basshysy bilim berý mekemesiniń materıaldyq-tehnıkalyq bazasymen tanysyp, ınformatıka, robot tehnıkasy kabınetterin, mektep kitaphanasy men mýzeıin aralap kórdi.

Qasym-Jomart Toqaev mektep oqýshylarymen jáne ustazdarmen áńgimelesý barysynda elimizdiń ekonomıkasy men ǵylymyn damytýǵa septigin tıgizetin sapaly bilim alý jastardyń negizgi mindeti ekenin atap ótti.

Qazaqstan Prezıdenti oqýshylardy Otanymyzdyń laıyqty azamaty bolýǵa shaqyryp, oqýlaryna tabys tiledi.

Pedagogtar men oqýshylar Memleket basshysyna bilim júıesin únemi nazarda ustaıtyny úshin alǵys bildirdi.

Bul mektepke 1996 jyly soǵys ardageri, jazýshy Kemel Toqaevtyń esimi berilgen.