Qazaqstan Prezıdenti Ýkraınadaǵy jaǵdaıǵa baǵa berdi

«Búginde barsha álem Ýkraına týraly sóz qozǵap jatqanda, men bul máseleni aınalyp óte almaımyn. Men jas kezimde Ýkraınada bilim alǵanymdy bilesizder jáne Ýkraına halqynyń taǵdyry maǵan árqashan jaqyn bolatyn, qazir de barlyǵymyzǵa nemquraıly emes. Ol elde bolǵan kúızelis men úshin aýyr tıdi. Ýkraına KSRO zamanynda ónerkásiptik áleýeti jaǵynan ekinshi orynda bolatyn, men ol jerde oqydym, sondyqtan ol eldiń ındýstrıaldyq qýatyn kózben kórdim, ol jerdiń barlyq metallýrgııalyq zaýyttarynda bolyp qaıttym. Agrarlyq keshenniń múmkindikteri qandaı edi. 20 jyl buryn Ýkraınanyń óziniń jolymen júrip, boıyn tiktep alýyna úlken múmkindik boldy», - deıdi tarıhqa kózge tastaǵan Memleket basshysy.

Onyń aıtýynsha, Ýkraınaǵa saıasatpen emes, ekonomıkalyq reformalarǵa den qoıý kerek bolǵan. Biraq ol eldiń basshylyǵy saıasatpen tym áýeze bolǵandyǵy eldi tyǵyryqqa tiregen.

«Táýelsizdiktiń 20 jylynda Ýkraınada jergilikti ekonomıkaǵa, qarapaıym adamdardyń ál-aýqatyna emes, negizinen saıasatqa úlken kóńil bólindi. Ýkraınadaǵy daǵdarystyń basty sebebin osydan kórip otyrmyn. KSRO-da ekinshi ekonomıka bolǵan qýatty el, búginde Qazaqstannyń damýynan 35 paıyzǵa qalys kele jatyr. Ýkraına baýyrlas eline shyn júrekten tezirek ekonomıkany qalpyna keltirýge, turaqtylyqqa, kelisimge jáne birlikke jetýdi tileımiz. Jaǵdaı qandaı baǵytqa oıyssa da, Ýkraınaǵa bizben birge áriptestikti jalǵastyrýdyń paıdasy zor bolmaq. Aramyzdaǵy saıası qarym-qatynastarymyzda jáne oı-pikirimizdi bildirýde qatty ketpeý qajet», - dep túıdi oıyn N.Nazarbaev.