Qazaqstan Prezıdenti túrik jazýshysyn «Dostyq» ordenimen marapattady
QR Syrtqy ister mınıstrliginiń resmı saıtyndaǵy aqparatqa qaraǵanda, is-shara barysynda Qazaqstannyń Túrkııadaǵy Elshisi Abzal Saparbekuly M.Áýezovtyń «Abaı joly» romanyn jaqynda túrik tiline aýdarǵan belgili túrik aqyny, jazýshy Zafer Kıbarǵa Qazaqstan Respýblıkasy Prezıdentiniń Jarlyǵyna sáıkes berilgen Qazaqstannyń memlekettik nagradasy - II dárejeli «Dostyq» ordenin tabystady.
Óz kezeginde Z. Kıbar tabystalǵan orden úshin Prezıdent Qasym-Jomart Toqaevqa, qazaq halqyna alǵysyn bildirip, Abaıdyń barsha adamzatty aǵartar tereń sózderdi jaı aıtyp qana qoımaı, qaǵaz betine túsirip, óshpes mura qylyp ketkeni jaıly sóz qozǵady.
Іs-sharanyń ashylýynda sóz sóılegen A. Saparbekuly uly aqynnyń qazaq halqy úshin erekshe rólin aıtyp, «Abaıdy taný – ózimizdi taný» dep, onyń tereń oılarynyń qazaq bolmysyn qalyptastyrǵanyn atap ótti.
Qazaqstandyq dıplomat Abaıdyń ádebıetpen qatar qoǵamdyq ómirdegi jańashyl oılary ózinen keıingi qazaq zııalylary úshin ónegeli úlgige aınalǵanyn aıtty.
Túrkııa Mádenıet eks-mınıstri Namyk Zeıbek óz sózinde Abaıǵa qazirgi qazaq ádebıetiniń negizin qalaýshysy degen baǵa berip, uly aqynnyń búkil túrki álemi úshin mańyzyna toqtaldy.
Shara uly aqynnyń óleńderi, poemalary men Qara sózderin mánerlep oqýǵa arnalǵan ádebı keshke ulasty. Sondaı-aq, Abaı Qunanbaıulynyń sýretterinen quralǵan kórme saltanatty is-shara qatysýshylaryna usynyldy.
Alqaly jıynǵa TR Mádenıet eks-mınıstri Namyk Zeıbek, Eýrazııa jazýshylar odaǵynyń prezıdenti ıAkýp Ómeroǵlý, sondaı-aq jergilikti zııaly qaýym jáne Ankaradaǵy dıplomatııalyq mıssııalardyń, buqaralyq aqparat quraldarynyń ókilderi men Túrkııada bilim alyp jatqan qazaqstandyq jastar jáne t.b. qatysty.
