Qazaqstan Prezıdenti ShYU-ny bıýrokratııalyq uıymǵa aınaldyrmaýǵa shaqyrdy
Memleket basshysy ShYU eýrazııalyq keńistikte óte mańyzdy uıym ekenin, osy rette ekonomıkada, qaýipsizdik pen gýmanıtarlyq salada yntymaqtastyq qarastyrylǵanyn atap ótti.
«Ýfadaǵy kezdesýde biz lańkestikpen kúres boıynsha ortaq korporatsııany qurýǵa kelistik, ıaǵnı osy rette bizdiń elderdiń qaýipsizdigi eskerilip otyr. Bul óte mańyzdy. Men EAEO men ShYU-nyń erkin saýda aımaǵyn qurýdy usyndym. Bul bastama qarastyrylýda, al reseılik tarap qoldaý bildirip otyr», - dedi N. Nazarbaev.
Budan bólek, Memleket basshysy Tashkenttegi ShYU sammıtinde uıymǵa Úndistan jáne Pákistan sekildi jańa múshelerdi qabyldaý josparlanyp otyrǵanyn jetkizdi. Sonymen qatar Irannyń qosylýy talaptary qarastyrylmaq.
Prezıdenttiń sózine qaraǵanda, sammıtiń mańyzdy máseleleriniń biri kólik pen logıstıka salasyndaǵy yntymaqtastyq bolmaq. Búginde Qytaıdyń «Bir beldeý - bir jol» bastamasy óte mańyzdy. «Osy oraıda qarjylyq baza, qor men bank bar. Sondaı-aq «Nurly jol» ınfraqurylymdyq baǵdarlamasy atalǵan bastamamen shektesip otyr»,-dep toqtaldy N. Nazarbaev.
Elbasy ShYU músheleri aldynda turǵan negizgi maqsat uıymdy formasyz, enjar, «qaǵazbasty» bıýrokratııalyq uıymǵa aınaldyrmaýda turǵandyǵyn qadap aıtty.