Qazaqstan Prezıdenti saılaýy halyqtyń aýyzbirshiligin kórsetti - Ábsattar Derbisáli
ALMATY. QazAqparat - Qazaqstan Prezıdenti saılaýy halyqtyń aýyzbirshiligin kórsetti. Osyndaı pikirimen fılologııa ǵylymdarynyń doktory, professor, shyǵystanýshy-ǵalym Ábsattar Derbisáli bólisti.
«Keshegi saılaýǵa saılaýshylardyń basym kópshiligi keldi. Bul saıası oqıǵaǵa Qazaqstan halqy asa úlken mán berip otyr. Azamattardyń barlyǵy birlikte, tatýlyqta ómir súrgisi keledi. Kópultty elimiz ultaralyq kelisim men beıbitshilikti asa joǵary baǵalaıdy», - dedi ǵalym.
Ǵalymnyń aıtýynsha, Qazaqstan prezıdent saılaýynda aýyzbirshiligi men tatýlyǵyn kórsetti. Daýys berýge kelgen azamattar uzyn-sonar kezekke turdy.
«Keshe men elimizdiń óńirlerinde boldym. Aýa raıynyń qolaısyzdyǵyna qaramastan daýys berýge kelgen halyqtyń qarasy úzilmedi. Bul halyqtyń bılikke degen senimin kórsetedi», - dedi Á.Derbisáli.
