Qazaqstan Prezıdenti «SaryarqaAvtoProm» JShS-ne bardy
NUR-SULTAN. QazAqparat - Qazaqstan Prezıdenti Qasym-Jomart Toqaev «SaryarqaAvtoProm» jaýapkershiligi shekteýli seriktestigine bardy, dep habarlaıdy Aqordanyń resmı saıty.
Memleket basshysy óńirge jumys sapary barysynda «SaryarqaAvtoProm» avtomobıl qurastyrý kásipornynyń jumysymen tanysty.
Qasym-Jomart Toqaevqa zaýyttyń damý perspektıvalary men jańa óndiris qýatyn qalyptastyrý strategııasy jóninde baıandaldy. Sodan keıin Qazaqstan Prezıdenti shanaqtardy boıaıtyn ámbebap tsehtyń jáne iri bólshekter arqyly qurastyrý ádisi boıynsha (DKD) avtomobılderdi serııasymen shyǵarý tsehynyń jumystarymen tanysty.
Memleket basshysy Qazaqstannyń búginde álemdik sapa standartyna sáıkes zamanaýı joǵary tehnologııalyq ekonomıka quryp jatqanyn atap ótti.
Jalpy zaýyttyń óndiristik qýaty - jylyna 28 myńnan astam avtomobıl. Kásiporyn qazirgi ýaqytta Ankai, MAN, JAC, HYUNDAI jáne Lovol avtomobıl markalaryn shyǵarady.
Sonymen qatar, osy salada jumys isteıtin sheteldik ınvestorlar Qazaqstan Prezıdentine ózderiniń jobasyn tanystyrdy.
