Qazaqstan Prezıdenti Ózbekstan halqyn Naýryz merekesimen quttyqtady

 ASTANA. QazAqparat - Ózbekstanda jumys saparymen júrgen Elbasy Nursultan Nazarbaev Ózbekstan halqyn Naýryz merekesimen quttyqtady. Ózbekstan basshysy Shavkat Mırzıeev Elbasynyń quttyqtaýyn Feısbýktegi paraqshasynda jarııa etti.

«Búgingi múmkindikti paıdalana otyryp, búkil ózbek halqyn Naýryz merekesimen quttyqtaımyn. Biz jaqynda Ortalyq Azııa memleketteriniń basshylary bolyp kezdesý ótkizdik. Biz birge bolamyz, saýda-sattyqty, mádenıetti birlesip damytamyz dep kelistik. Qazaq pen ózbek halqynyń tili, dini bir. Bul ıgilikter qanshama ǵasyrlardan beri jalǵasyp keledi. Ata-babalarymyz salyp ketken joldy biz jalǵastyrýymyz kerek, búgingideı qıyn-qystaý kezeńde birge bolýymyz kerek. Bir-birimizden bilim, alyp tájirıbe almasyp úırenýimiz kerek»,-dedi Prezıdent quttyqtaýynda.

Aıta keteıik, búgin Memleket basshysy Nursultan Nazarbaev Samarqand qalasyna jumys sapary barysynda Ózbekstan Prezıdenti Shavkat Mırzıeevpen kezdesti.