Qazaqstan Prezıdenti Óskemende jurtshylyq ókilderimen kezdesýde
ÓSKEMEN. QazAqparat - Qazaqstan Prezıdenti Qasym-Jomart Toqaev Óskemende jurtshylyq ókilderimen kezdesýde, dep habarlaıdy QazAqparat Aqordaǵa Týıtterdegi paraqshasyna silteme jasap.
«Qazaqstan Prezıdenti Qasym-Jomart Toqaevtyń Shyǵys Qazaqstan oblysyna jumys sapary Óskemen qalasynda jalǵasýda. Memleket basshysy óńir ortalyǵynda jurtshylyq ókilderimen kezdesýde», delingen habarlamada.
Memleket basshysy Elbasy nazaryndaǵy qasıetti ólkege alǵashqy saparyn arnaǵanyn jetkizdi.
«Qoınaýy qazynaǵa toly kendi Altaıdyń ónimderi búginde álemge tanymal. Óndirisi órge basqan óńirdi Elbasymyz udaıy nazarynda ustap keledi. Sondyqtan, alǵashqy saparlarymnyń birin osy qasıetti ólkege arnap otyrmyn», - dedi Q.Toqaev.
