Qazaqstan Prezıdenti Oraldaǵy kópsalaly medıtsına ortalyǵyna bardy
ORAL. QazAqparat - Qazaqstan Prezıdenti Qasym-Jomart Toqaev Oraldaǵy «Uniserv medical center» kópsalaly medıtsına ortalyǵyna bardy, dep habarlaıdy QazAqparat Aqordaǵa silteme jasap.
Memleket basshysy Oral qalasynda bıyl ashylǵan «Uniserv medical center» kópsalaly medıtsına ortalyǵyn aralap kórdi.
Zamanýı tehnıkalarmen jabdyqtalǵan densaýlyq saqtaý mekemesi aldyn ala zerttelip, suranysqa saı beıimdelip salynǵan. Buryndary oblys turǵyndary emdelý úshin kórshi eldiń qalalaryna kóptep baratyn. Endi jergilikti turǵyndar osy ortalyqtan aq, sapaly medıtsınalyq kómek alyp otyr.
Jeke ınvestıtsııa esebinen salynǵan medıtsınalyq ortalyq kóz jáne tis aýrýlary boıynsha konsýltatsııalyq-dıagnostıkalyq qyzmet kórsetedi.
Qazaqstan Prezıdenti ortalyqty óz qarjysyna salyp, mamandaryn Ońtústik Koreıada, Reseıde oqytqan ınvestorǵa rızashylyǵyn bildirip, medıtsına qyzmetkerleriniń jumysyna sáttilik tiledi.
