Qazaqstan Prezıdenti N.Nazarbaev óz eline zor paıda ákelgen álemdik kóshbasshylardyń alǵashqy bestigine endi

Sol tizim­degi úzdik bestiktiń qata­rynan Qazaqstan Pre­zı­denti Nursultan Nazarbaev ta oryn aldy. Bul týraly «Egemen Qazaqstan» gazeti búgingi sanynda jazdy (avtory - Serik Pirnazar).

Tizim jahannyń 5 qur­ly­ǵyndaǵy 68 eldiń 303 sarapshysy bergen jaýap­tardyń negizinde túzilgen.

Top-5 kóshbasshylaryn Germanııanyń kantsleri Angela Merkel bastaıdy. Al budan keıingi oryndarǵa Qytaıdyń eks-basshysy Hý Tszıntao, Reseı Prezıdenti Vladımır Pýtın, Venesýelanyń burynǵy lıderi Ýgo Chaves jáne Qazaqstan Prezıdenti Nursultan Nazarbaev ornalasqan.

Sarapshylardyń paıymynsha, keshegi keńestik keńistikten shyq­qan jas memleketter úshin osy kezge deıin shyn máninde «ma­myra-jaı zaman» bolǵan emes. Olardyń táýelsizdik jyldarynan bergi árbir jyly men aıy, aptasy men kúni udaıy ilgeri umtylýmen, únemi áldeneni izdestirýmen, ár­daıym ár nárseni jetildire túsý jolynda tirlik etýmen ótip keledi. Munyń bári, aınalyp kelgende, bul elderdiń irgelerin bekitip, ke­regelerin nyqtaýlaryna arnaldy. Solardyń arasyndaǵy Nursultan Nazarbaevtyń belsendi qımyly men mıssııasy qashanda «memlekettik menedjmenttik» sheń­beri aıasynan shyǵyp ketip, Ulttyń atasy degen sıpattamanyń qaýyzyna laıyq keletin ulan-ǵaıyr tirliktermen ushtasyp jatty.

Salystyrmaly derek úshin aıta keteıik, sarapshylar memleketter basshylaryn budan bólek, «eldiń burynǵy pozıtsııasyn joǵaltýshylar» jáne «eshqandaı ózgeris jasamaǵandar» dep atalatyn taǵy eki kategorııaǵa bólip qarastyrǵan eken. Bulardyń alǵashqylary leginiń kóshin AQSh-tyń burynǵy prezıdenti Djordj Býsh-kishisi bastaıdy. Osyndaı «antılıderler» tobynda Sırııa basshysy Hafez Asad, Lıvııanyń burynǵy lıderi Mýamar Kadaffı jáne Egıpettiń eks-prezıdenti Hosnı Mýbarak bar. Al óz elderiniń damýlaryna aıtarlyqtaı úles qosa almaǵan qaıratkerler tobynyń aldynda Frantsııanyń burynǵy prezıdenti Nıkolıa Sarkozı men Kýbanyń osy kezgi basshysy Raýl Kastro tur.