Qazaqstan Prezıdenti N. Nazarbaev B. Eltsındi óz sózine adal, satqyndyqty unatpaıtyn adam retinde joǵary baǵalaıtyn - D. Nazarbaeva

Búgin Qazaqstan Respýblıkasy Tuńǵysh Prezıdentiniń Murajaıynda «Borıs Eltsın jáne onyń zamany» atty kórmeniń ashylýy barysynda Májilis depýtaty Darıǵa Nazarbaeva osylaı dedi.

«Jańa táýelsiz Qazaqstan men jańa Reseı prezıdentteriniń enshisine bir mezgilde memleketti qalyptastyrý men qurýdaǵy aýyr beınet, alaıda tańǵajaıyp baqytty taǵdyr buıyrdy. Olar kóptegen ǵasyrlarǵa sozylǵan bizdiń memlekettigimizdiń ishindegi asa qasterli kezeńde bizdiń memleketterimizdiń, bizdiń halyqtarymyzdyń basshysy boldy,  demokratııaǵa ótý kezeńine, ulttyq jańǵyrýǵa jol siltep, jańa ekonomıkalyq qatynastardy qalyptastyrdy. Budan bólek, eki Kóshbasshynyń arasynda naǵyz erler dostyǵy ornaǵan edi, bundaı shynaıy dostyq kóptegen kúrdeli jaǵdaılardyń kúrmeýin ońaı sheshýge de talaı ret septigin tıgizgeni aıqyn», - dedi  D.Nazarbaeva.

Onyń aıtýynsha, búgingi kúngi Qazaqstan men Reseı arasyndaǵy satyly damýǵa bastapqy berik negizdi eki eldiń Lıderleri qalap berdi.