Qazaqstan Prezıdenti: Memlekettik nyshandardy jetildirý qajet

ASTANA. QazAqparat – Memlekettik nyshandardy jetildirý qajet. Bul týraly Túrkistanda ótip jatqan Ulttyq quryltaıdyń «Ádiletti Qazaqstan – Adal azamat» atty ekinshi otyrysynda Prezıdent Qasym-Jomart Toqaev aıtty, dep habarlaıdy QazAqparat tilshisi.

«Birinshi másele. Memlekettik nyshandardy jetildirý qajet. Qazir kez kelgen eldiń yqpaldy bolýyna ulttyq brendtiń áseri mol. Sondyqtan, onyń tanymaldyǵyn arttyra túsý kerek. Ol úshin biryńǵaı dızaın-kodty, ortaq standartty saqtaý óte mańyzdy. Nyshandarymyz biregeı ulttyq kodymyzdy naqty ári aıqyn kórsetýi kerek. Men jaqynda Assambleıa sessııasynda elimizdiń Geraldıka belgilerin jetildirý qajettigi týraly aıttym. Aldymen aımaqtardyń jáne qalalardyń tańbasyn biryńǵaı úlgige keltirý kerek dep sanaımyn», - dedi Prezıdent.

Memleket basshysy qazir olardyń kóbiniń mazmuny jáne pishini árkelki ekendigine nazar aýdartty.

«Soǵan baılanysty qoǵamda jıi syn da aıtylady. Bul salaǵa muqııat taldaý jasap, ortaq ustanymdar ázirleý qajet. Aımaqtyq nyshandardy ázirleý jáne bekitý tártibin barlyq óńirge birdeı etip, retke keltirgen jón», - dedi Qasym-Jomart Toqaev.