Qazaqstan Prezıdenti Lýgansk pen Donetskke qatysty pikir bildirdi
«Týrasyn aıtaıyn, bul máselege qatysty túrli pikir bar. Qoǵamymyz ashyq, azamattyq qoǵamnyń tolysqany anyq baıqalady. Sondyqtan, túrli pikirler aıtylady. Degenmen, kelesin atap ótkim keledi: qazirgi zamanǵy quqyq – bul BUU Jarǵysy. Biraq, BUU-nyń eki ustanymy bir-birine qarama-qaıshy keledi – bul memlekettiń tutastyǵy jáne ulttyń óz tańdaýyn jasaýǵa quqyǵy. Eger solaı bolsa, bul ustanymdar bir-birine qarama-qaıshy, túrli túsindirme bar», - dep atap ótti Qazaqstan Prezıdenti.
Memleket basshysy BUU-nyń negizin qalaýshylar osy máseleni kezinde eskermeýi, ne bolmasa ymyra retinde ádeıi engizýi múmkin ekendigin atap ótti.
«Eki ustanym bir-birine qarama qaıshy keledi. Eger solaı bolsa, bul ustanymdar bir-birine qarama-qaıshy, túrli túsindirmesi bar. Bireýler, «memlekettiń aýmaqtyq tutastyǵy – kıeli» deıdi. Ózgeleri, belgili bir memlekettiń quramyndaǵy kez kelgen halyq óziniń memleketi bolýǵa quqyly jáne óz memleketin qura alady ári qalaýymen odan bólektene alady», - dedi Qasym-Jomart Toqaev.
QR Prezıdentiniń atap ótýinshe, eger ulttarǵa tańdaý quqyǵy berilse, onda jer sharynda 193 memlekettiń ornyna 500-600 memleket qurylar edi.
«Bul beıberekettik týdyrady. Dál osy sebepti biz Taıvandy da, Kosovany da, Ońtústik Osetııany da, Abhazııany da moıyndamaımyz. Demek, bul prıntsıp bizdiń kózqarasymyzsha kvazımemlekettik birlestik sanalatyn Lýgansk pen Donetskke de qoldanylatyn bolady», - dedi Memleket basshysy.
