Qazaqstan Prezıdenti kýbogynyń úzdik dızaınine baıqaý jarııalandy
ASTANA. QazAqparat - Qazaqstan Tennıs federatsııasy men Chehııanyń Lasvit kompanııasy ózara is-qımyl týraly kelisimge qol qoıdy. Yntymaqtastyqtyń bastalýyna Qazaq memlekettik sáýlet-qurylys akademııasy stýdentteri arasynda Tennısten ótetin halyqaralyq týrnırdiń - Qazaqstan Prezıdenti kýbogynyń úzdik dızaınine arnalǵan baıqaý ótkizý túrtki boldy.
QR Tennıs federatsııasynyń aqparatyna qaraǵanda, Qazaqstan Prezıdenti kýbogy jylsaıyn álemniń 20 eliniń úzdik tennısshileriniń basyn qosady. Saıystyń júlde qory da Azııa aýmaǵynda eń qomaqy bolyp eseptelinedi. Týrnırdiń jalpy júlde qory 225 myń AQSh dollaryn quraıdy.
Baıqaýǵa usynylatyn jobalar aǵymdaǵy jyldyń 18 sáýirine deıin tabys etilýi tıis. Úzdik úshtiktiń esimderi 28 sáýirde belgili bolady. Al baıqaý jeńimpazy Chehııadaǵy Lasvit zaýytynda bolyp, kýboktyń daıyndalýyna tikeleı atsalysady.
