Qazaqstan Prezıdenti kórshi elderdi Qazaqstan-Túrikmenstan-Iran temirjoly áleýetin paıdalanýǵa shaqyrdy
Búgin elordadaǵy «Ortalyq Azııa-Reseı» sammıtinde Memleket basshysy Transkaspıı halyqaralyq kólik baǵytyn damytýǵa tyń serpin berilip otyrǵanyn aıtty.
«Perspektıvaly Soltústik-Ońtústik dálizin odan ári qaraı damytýǵa erekshe nazar aýdarý kerek. Shyǵys Azııadan Parsy shyǵanaǵy elderine eń qysqa jol ashatyn Qazaqstan-Túrikmenstan-Iran temirjolynyń áleýetin barynsha tıimdi paıdalanýǵa bolady», - dedi.
Osy oraıda Prezıdent reseılik áriptesterdiń osy baǵytty belsendirek paıdalanýǵa degen qyzyǵýshylyǵyn quptaıtynyn aıtty.
Qasym-Jomart Toqaevtyń sózine qaraǵanda, óńir elderindegi kólik baǵdarlarynan ózara tıimdilikti qamtamasyz etý turǵysynda ınfraqurylymdy jańǵyrtý men tranzıttik dálizderdiń ótkizý qabiletin arttyrý máselelerin birlese sheshý qajet ekenin atap ótti.
«Atap aıtqanda, seriktesterdi birlesken ınfraqurylymdyq jobalardy júzege asyrýǵa shaqyramyz», - dedi Qazaqstan Prezıdenti.
Budan buryn habarlanǵandaı, Astanadaǵy sammıtte Qasym-Jomart Toqaev Ortalyq Azııada kólik salasyndaǵy ınfraqurylymdy damytý máselesin kóterdi.
