Qazaqstan Prezıdenti qazanda Shvetsııaǵa saparmen barady
ASTANA. QazAqparat - QR Parlamenti Senatynyń tóraǵasy Qasym-Jomart Toqaev Shvetsııa Rıksdagynyń (parlamenti) spıkeri Ýrban Alınmen kezdesti, dep habarlaıdy Senattyń baspasóz qyzmeti.
Kezdesýdi ashý barysynda Q. Toqaev ekijaqty qarym-qatynastardyń qarqyndy damyp kele jatqanyn atap ótti. Senat jetekshisi QR Prezıdenti Nursultan Nazarbaevtyń bıylǵy qazan aıyna belgilengen Stokgolmge sapary eki el arasyndaǵy, ásirese saýda men ınvestıtsııalar salasyndaǵy yntymaqtastyqty jańa sapaly deńgeıge kóteretindigine senim bildirdi.
Shvetsııa ınnovatsııalyq jobalardy júzege asyrýda álemdik kóshbasshylardyń biri. Osyǵan baılanysty Q.Toqaev elimizdiń aýmaǵyna joǵary tehnologııalyq óndirister salýǵa daıyn shved kompanııalarynyń Qazaqstan naryǵyna enýine qyzyǵýshylyq bildirdi.
Sondaı-aq, Senat spıkeri jańartylatyn energııany qoldaný boıynsha Shvetsııanyń tájirıbesi Qazaqstanda suranysqa ıe bolýy múmkin ekendigin jetkizdi.
Q. Toqaev Shvetsııa parlamentiniń Qazaqstan men Eýropalyq Odaq arasyndaǵy seriktestikti keńeıtý jáne yntymaqtastyq týraly kelisimdi ratıfıkatsııalaǵan alǵashqy memleketterdiń biri bolǵanyn atap ótti. Eýropalyq Odaq sáıkesinshe, Astananyń jetekshi saýda-ekonomıkalyq jáne ınvestıtsııalyq seriktesi.
