Qazaqstan Prezıdenti Qaraǵandy oblysynyń ákimin qabyldady
NUR-SULTAN. QazAqparat - Qazaqstan Prezıdenti Qasym-Jomart Toqaev Qaraǵandy oblysynyń ákimi Erlan Qoshanovty qabyldady, dep habarlaıdy Aqorda.
Kezdesý barysynda Memleket basshysyna óńirdiń bıylǵy 4 aıdaǵy áleýmettik-ekonomıkalyq damý qorytyndylary men aldaǵy josparlary jóninde málimet berildi.
Qasym-Jomart Toqaevqa halyqtyń áleýmettik jaǵdaıy nashar toptarynyń, sonyń ishinde kópbalaly otbasylardyń máselelerin sheshý úshin Qaraǵandy oblysynda qabyldanǵan sharalar týraly baıandaldy.
Sonymen qatar, Erlan Qoshanov iri ınvestıtsııalyq jobalardyń júzege asyrylý barysy jóninde aıtty.
Qazaqstan Prezıdenti oblys ákimine óńirge tartylatyn ınvestıtsııa kólemin artyryp, ónerkásip óndirisiniń ósimin qamtamasyz etýdi, sondaı-aq, oblys ortalyǵy men iri qalalarda turǵyn úı qurylysy men ınfraqurylym salý qarqynyn jedeldetýdi tapsyrdy.
