Qazaqstan Prezıdenti kadrlardyń kásibı biliktiligin nazarǵa alyp otyr - Erlan Qarın

NUR-SULTAN. QazAqparat - QR Prezıdentiniń keńesshisi Erlan Qarın Memleket basshysy Qasym-Jomart Toqaevtyń jańa kadrlyq taǵaıyndaýlaryna baılanysty pikirin bildirdi, dep habarlaıdy «QazAqparat» HAA.

«Búgin Prezıdentimiz óziniń alǵashqy kadrlyq taǵaıyndaýlaryn jasady. Saılaýaldy baǵdarlamada ýáde etilgendeı, jańa qyzmetterge jastar kelip jatyr. Memleket basshysy kadrlardyń kásibı biliktiligi men iskerlik qasıetterine basymdyq berip otyr. Aımaqtarda da jergilikti kadrlardyń áleýeti eskeriletin bolady», - dep jazdy Erlan Qarın Telegram-kanalynda.

Aıta keteıik, búgin Qazaqstan Prezıdenti Qasym-Jomart Toqaev birqatar taǵaıyndaýlar jasady. Atap aıtqanda Nur-Sultan qalasynyń ákimi laýazymyna Altaı Kólginov keldi. Batys Qazaqstan oblysynyń ákimi laýazymyna Ǵalı Esqalıev taǵaıyndaldy. Al Batys Qazaqstan oblysyn Serikbaı Trumov basqaratyn boldy.

Sondaı-aq aıta ketetin másele, Memleket basshysy Qasym-Jomart Toqaev elordada ótken ulyqtaý rásiminde Prezıdenttik kadrlyq rezerv qurý arqyly jas ári daryndy jastarǵa qoldaý kórsetiletinin málim etken bolatyn.

«Memlekettik qyzmettiń barlyq deńgeıinde jańa daryndy basqarýshylardy qoldaý úshin Prezıdenttik kadrlyq rezerv qurylady. Bizdiń jastar - óte daryndy ári kreatıvti, maqsatqa umtylyp turady. Sol sebepti, Qazaqstannyń bolashaǵy senimdi qolda dep aıta alamyn», - dedi Memleket basshysy.

Avtory: Ashat Ahmetbekov