Qazaqstan Prezıdenti Eýrokomıssııa tóraǵasymen kezdesti
ASTANA. QazAqparat - Memleket basshysy Nursultan Nazarbaev G20 sammıti aıasynda Eýropalyq komıssııanyń tóraǵasy Jan-Klod ıÝnkermen kezdesti, dep habarlaıdy Aqordanyń baspasóz qyzmeti.
Kezdesý barysynda Qazaqstan men Eýropalyq odaq arasyndaǵy saıası jáne saýda-ekonomıkalyq baılanysty nyǵaıtý perspektıvalary qarastyryldy.
Taraptar elimiz ben EO arasyndaǵy keńeıtilgen seriktestik pen yntymaqtastyq týraly kelisimniń mańyzdylyǵyn atap ótip, qarym-qatynastyń odan ári qarqyndy damı beretinine senim bildirdi
