Qazaqstan Prezıdenti Dýbaı ınvestıtsııalyq korporatsııasynyń atqarýshy dırektorymen kezdesti

DÝBAI. QazAqparat - Memleket basshysy Dýbaı ınvestıtsııalyq korporatsııasynyń atqarýshy dırektory Muhammed ash-Shaıbanımen kezdesti, dep habarlaıdy QazAqparat Aqordanyń baspasóz qyzmetine silteme jasap.

Kezdesý barysynda qarjy salasyndaǵy ózara yntymaqtastyqqa jáne «Astana» halyqaralyq qarjy ortalyǵynyń odan ári damý perspektıvasyna qatysty máseleler talqylandy.

Sonymen qatar Dýbaı ınvestıtsııalyq korporatsııasynyń Qazaqstandaǵy jekeshelendirý baǵdarlamasyna jáne «Astana» halyqaralyq qarjy ortalyǵy bırjasynyń jumysyna belsendi qatysý múmkindikteri qarastyryldy.

Qasym-Jomart Toqaev Muhammed ash-Shaıbanıge Qazaqstan aktıvterine ınvestıtsııa salýǵa jáne satyp alýǵa qyzyǵýshylyq bildirgen jaǵdaıda bizdiń memlekettik qurylymdardyń ınvestorlar úshin qolaıly jaǵdaı jasaýǵa daıyn ekenin aıtty.