Qazaqstan Prezıdenti BUU Bas hatshysy Pan Gı Mýnnyń jańa merzimge saılanýyn qoldaıdy
ASTANA. 14 maýsym. QazAqparat - Qazaqstan Prezıdenti Nursultan Nazarbaev BUU Bas hatshysy Pan Gı Mýnǵa jedelhat joldap, onda Astananyń osy ámbebap uıymnyń aldaǵy ýaqyttaǵy damýyna tujyrymdy kózqarasyn jáne onyń qazirgi basshysynyń jańa ýákiletti merzimge saılanýyn qoldaıtynyn bildirgen.
Bul týraly QR SІM baspasóz qyzmeti habarlady.
QR Prezıdentiniń pikirinshe, BUU búgingi tańda jahandyq qarym-qatynastyń balamasyz quraly bolyp tabylady, bul uıym aıasynda adamzattyń ózekti máselelerin sheshýdegi halyqaralyq kúsh-jigerge Qazaqstan belsendi at salysatyndyǵyn kórsetedi. Osyǵan baılanysty N.Nazarbaev «BUU jumysynyń tıimdiligin arttyrý men onyń qazirgi yǵyttar jáne qaýip-qaterlerge yqpal etý múmkindigin kúsheıtýge baǵyttalǵan» Pan Gı Mýnnyń jumysyna sáttilik tiledi.
