Qazaqstan Prezıdenti Beıjińdegi forýmda transshekaralyq ózender máselesin kóterdi
BEIJІŃ. QazAqparat - Qazaqstan Prezıdenti Nursultan Nazarbaev kóptegen memleket basshylarynyń qatysýymen ótip jatqan joǵary deńgeıli «Bir beldeý, bir jol» forýmynda transshekaralyq ózenderdiń sý resýrstaryn tıimdi basqarýdyń mańyzdylyǵy jaıly aıtyp ótti, dep habarlaıdy «QazAqparat» HAA Qytaıdaǵy menshikti tilshisi.
«Qorshaǵan ortanyń, onyń ishinde kólik arterııasyna aınalýy ábden múmkin qurlyq ishindegi transshekaralyq sý resýrstarynyń ońtaıly basqarý jónindegi keshendi máselelerdi nazardan tys qaldyrmaý mańyzdy», - dedi Memleket basshysy.
Eske sala ketsek, N.Nazarbaev QHR-daǵy «Bir beldeý, bir jol» baǵdarlamasy aıasyndaǵy halyqaralyq seriktestik boıynsha joǵary deńgeıli forýmǵa qatysyp jatyr.
Forým taqyryby - «Bir beldeý, bir jol: ortaq órkendeý jolyndaǵy seriktestik». Sharaǵa 29 memleket basshylary, 3 halyqaralyq uıym: BUU, Dúnıejúzilik bank jáne Halyqaralyq valıýta qorynyń ókilderi qatysýda.
