Qazaqstan Prezıdenti Japonııa Premer-mınıstrimen telefon arqyly sóılesti

ASTANA. KAZINFORM – Memleket basshysy Qasym-Jomart Toqaev Japonııa Premer-mınıstri Fýmıo Kıshıdamen telefon arqyly sóılesti. Bul týraly Aqordanyń baspasóz qyzmeti habarlady. 

Qasym-Jomart Toqaev Japonııada bolǵan jer silkinisine baılanysty japon halqyna sabyr tilep, tabıǵat apatynyń saldary aýyr bolmaıdy dep úmittenetinin aıtty.

Óz kezeginde Fýmıo Kıshıda Qazaqstanǵa resmı saparyn, sonyń ishinde «Ortalyq Azııa + Japonııa» Dıalogynyń birinshi sammıtine qatysýyn amalsyzdan keıinge shegergenin ókinishpen jetkizdi. 

Áńgimelesý barysynda Qasym-Jomart Toqaev pen Fýmıo Kıshıda qazaq-japon qatynastarynyń qazirgi jaı-kúıi men damý perspektıvasyn talqylap, óńiraralyq yqpaldastyq máseleleri jóninde pikir almasty.