Qazaqstan Prezıdenti resmı saparmen Italııaǵa bardy
ASTANA. KAZINFORM – Memleket basshysy Qasym-Jomart Toqaev Italııaǵa resmı saparmen bardy. Bul týraly Aqordanyń baspasóz qyzmetinen málim etti.
Qazaqstan Prezıdentin Rım áýejaıynan Italııanyń Qorǵanys mınıstri Gvıdo Krozetto, Rım Papasynyń ókili Franchesko Kanalını qarsy aldy. Memleket basshysyn kútip alý kezinde Qurmet qaraýyly sap túzep turdy.
Málim etilgendeı, Qasym-Jomart Toqaev erteń, 18 qańtarda Italııa Prezıdenti Serdjo Mattarellamen, Premer-mınıstr Djordja Melonımen kelissózder júrgizedi.
Sonymen qatar Prezıdent «Qazaqstan-Italııa» ınvestıtsııalyq dóńgelek ústeline qatysyp, birqatar iri kompanııa basshylarymen kezdesýler ótkizedi dep josparlanyp otyr.
Qazaqstan Prezıdenti 19 qańtar kúni Vatıkanda Rım Papasy Frantsıskpen kezdespek.
Aıta keteıik, Qasym-Jomart Toqaev shet elderge bıylǵy alǵashqy saparyn Eýropadan bastap otyr. Memleket basshysynyń resmı saparynan ne kútemiz jáne buǵan deıin qos el arasynda qandaı qarym-qatynas boldy? Kazinform sarapshysy bul jóninde sholý materıal usynǵan edi.
