Qazaqstan Prezıdenti men Iordanııa Koroli «Astana» halyqaralyq qarjy ortalyǵyna bardy
ASTANA. KAZINFORM – Memleket basshysy Qasym-Jomart Toqaev pen Iordanııa Koroli II Abdalla ben ál-Hýseın Astana halyqaralyq qarjy ortalyǵyn (AHQO) aralap kórdi. Bul týraly Aqordanyń baspasóz qyzmeti habarlady.
Basqarýshy Renat Bekturov mártebeli meımandardy Ortalyq qyzmetiniń nátıjelerimen, AHQO sotynyń, Halyqaralyq tórelik ortalyǵynyń, Qarjy qyzmetin retteý komıtetiniń jáne AHQO bırjasynyń erekshelikterimen, sondaı-aq biregeı korporatıvtik «Senim mýzeıiniń» jumysymen tanystyrdy.
AHQO negizi qalanǵan sátten beri 17 mıllıard dollardan astam ınvestıtsııa tartqan. Ortalyqqa 85 eldiń 4200-den astam kompanııasy rezıdent retinde tirkeldi.
Memleket basshysy Qasym-Jomart Toqaev pen Korol ІІ Abdalla Qazaqstan- Iordanııa bıznes-forýmyna qatysqanyn jazǵan edik.
Prezıdent Qazaqstan Iordanııamen ózara tıimdi seriktestikti ilgeriletýge aıryqsha mán beretinin aıtty.