Qazaqstan Prezıdenti Koreıanyń K-Silk Road tujyrymdamasyna qoldaý bildirdi

ASTANA. KAZINFORM – Qazaqstan Koreıa Respýblıkasynyń K-Silk Road tujyrymdamasyn qoldaıdy. Bul týraly Aqordada Ońtústik Koreıa Prezıdenti ıÝn Sok Elmen kelissózderden keıingi birlesken málimdeme barysynda Memleket basshysy Qasym-Jomart Toqaev aıtty.

«Búgin prezıdent ıÝn Sok El myrzamen mańyzdy ári mazmuny kelissózder júrgizdik. Halyqaralyq jáne óńirlik máseleler boıynsha pikr almastyq. Jahandyq úderisterge qatysty oı bólistik. Astana men Seýldiń ózekti máselelerge qatysty ustanymdary uqsas. Kópjaqty yqpaldastyqty nyǵaıtýǵa eki el de múddeli. Biz Ortalyq Azııa bestigi men Koreıa dıalogyn odan ary damytýǵa kelistik. Qazaqstan Koreıa Respýblıkasynyń K-Silk Road tujyrymdamasyn qoldaıdy. Bul másele boıynsha búgingi kelissózder barysynda keń aýqymdy áńgime boldy. Men koreı tarapynyń osy formattaǵy alǵashy sammıtti kelesi jyly Seýlde ótkizý týraly usynysyn qoldaımyn», - dedi Memleket basshysy.

Qasym-Jomart Toqaevtyń paıymynsha, bul bastama ekijaqty jáne kópjaqty yntymaqtastyqqa tyń serpin beredi.

«Biz álemdegi túrli qaqtyǵystarǵa baılanysty alańdaýshylyq bildirdik. Kez kelgen janjaldy dıalog arqyly dıplomatııalyq jolmen sheshý qajettigin atap óttik. Onyń myzǵymas negizi BUU jarǵysy jáne halyqaralyq quqyq normalary bolýǵa tıis. Osy rette jahandyq qaýipsizdik pen beıbitshilikti qamtamasyz etý tásilderin jetildirý týraly oı bólistik. Qazaqstan men Koreıa arasyndaǵy jan-jaqty baılanysty nyǵaıta túsý eki eldiń múddesine tolyq saı keledi. Prezıdent ıÝn Sok El myrzanyń búgingi saparynyń erekshe máni bar. Bul sapar ózara qarym-qatynasty damytýǵa jańasha serpin beredi dep senemiz», - dedi Prezıdent.