Qazaqstan Prezıdenti Geıdar Álıevtiń beıitine gúl shoǵyn qoıdy
ASTANA. KAZINFORM - Qazaqstan Prezıdenti Ázerbaıjannyń jalpyulttyq kóshbasshysy Geıdar Álıevtiń beıitine gúl shoǵyn qoıdy, dep habarlaıdy Aqordanyń baspasóz qyzmeti.
Prezıdent Qasym-Jomart Toqaev Ázerbaıjannyń jalpyulttyq kóshbasshysy Geıdar Álıevtiń rýhyna taǵzym etip, onyń jáne zaıyby Zarıfa Álıevanyń beıitterine gúl shoqtaryn qoıdy.
Sondaı-aq, Memleket basshysy Shahıtter alleıasyndaǵy máńgilik alaýǵa gúl shoǵyn qoıý rásimine qatysty.
Munda eldiń azattyǵy jolynda, táýelsizdigi men aýmaqtyq tutastyǵyn saqtaý úshin qurban bolǵan ázerbaıjan halqynyń batyr uldary jerlengen.
Shahıtter alleıasy «Nagornyı» saıabaǵynyń aýmaǵynda ornalasqan. Munda 1990 jylǵy qaıǵyly oqıǵanyń qurbandary men Qarabaq úshin bolǵan shaıqastarda qaza tapqan ult qaharmandarynyń baýyrlastar zıraty bar.
