16:01, 02 Jeltoqsan 2023 | GMT +5
Qazaqstan Prezıdenti birqatar kelisimge qol qoıý rásimine qatysty
Qasym-Jomart Toqaev Dýbaıda ótip jatqan Klımat jónindegi dúnıejúzilik sammıt (SOR28) aıasynda Qazaqstannyń jáne basqa da elderdiń memlekettik organdary men bıznes-qurylymdary arasyndaǵy birqatar kelisimge qol qoıý rásimine qatysty. Bul týraly Kazinform Aqordaǵa silteme jasap habarlaıdy.
Memleket basshysynyń qatysýymen mynadaı qujattarǵa qol qoıyldy:
- Qazaqstan Respýblıkasy men Birikken Arab Ámirlikteri arasyndaǵy jel elektr stantsııasyn (1 GVt) salý jobasyn júzege asyrý týraly Úkimetaralyq kelisim;
- Qazaqstan Respýblıkasynyń Úkimeti, «Aqtas Enerdjı» JShS men TotalEnergies kompanııasy arasyndaǵy «Jambyl oblysy Mırnyı kenti aýmaǵynda qýaty 300 megavatt/600 megavatt-saǵat bolatyn energııa jınaqtaýshy akkýmýlıatorlyq júıeni paıdalana otyryp, jalpy qýaty 1 GVt jel energııasyn paıdalanatyn elektr stantsııasyn ázirleý, salý jáne paıdalanýǵa berý» jobasyn iske asyrý jónindegi ınvestıtsııalar týraly kelisim;
- Qazaqstan Respýblıkasy Energetıka mınıstrligi, «Samuryq-Qazyna» AQ men Birikken Arab Ámirlikteri Investıtsııalar mınıstrligi arasyndaǵy Qazaqstan Respýblıkasynyń aýmaǵynda jalpy qýaty 10 GVt bolatyn tómen kómirtekti energetıkany damytý boıynsha ózara túsinistik týraly memorandým;
- Qazaqstan Investment Corporation kompanııasy men ADQ arasyndaǵy strategııalyq seriktestik boıynsha ózara túsinistik týraly memorandým.
- «Samuryq-Qazyna» AQ men ACWA Power kompanııasy arasyndaǵy energııa jınaqtaý júıesi arqyly jıyntyq qýaty 1 GVt bolatyn jel elektr stantsııalaryn salý jónindegi jobany birlesip ázirleý týraly kelisim;
- «Samuryq-Qazyna» AQ men Presight.AI kompanııasy arasyndaǵy tsıfrlandyrý jáne aqparattyq tehnologııa salasyndaǵy jobalardy iske asyrý úshin birlesken kásiporyn qurý týraly kelisim;
- «QazMunaıGaz» UK» AQ men AD Ports Group kompanııasy arasyndaǵy Qazaqstanda keme jóndeý jáne keme jasaý kásipornyn qurý boıynsha ózara túsinistik týraly memorandým;
- «Qazaqstan temir joly» UK» AQ men Abu Dhabi Ports Group kompanııasy arasyndaǵy birlesken kásiporyn qurý týraly kelisim;
- «Atameken» Ulttyq kásipkerler palatasy, «SAFC» JShS men SEFE Marketing & Trading kompanııasy arasyndaǵy orman-klımattyq jobalardy iske asyrý boıynsha yntymaqtastyq týraly memorandým;
- «Qazatomónerkásip» UAK» AQ men Emirates Nuclear Energy Corporation kompanııasy arasyndaǵy tabıǵı ýran kontsentrattaryn tasymaldaý týraly kelisim.
