Qazaqstan Prezıdenti Belgııalyqtar Korolimen jáne Patshaıymymen birge Ulttyq mýzeıge bardy
ASTANA. KAZINFORM – Memleket basshysy Qasym-Jomart Toqaev Qazaqstanǵa memlekettik saparmen kelgen Korol Fılıpp jáne Patshaıym Matıldamen birge Ulttyq mýzeıdi aralady. Bul týraly Aqordanyń baspasóz qyzmeti habarlady.
Mártebeli meımandar mýzeı kesheniniń sáýlettik erekshelikterin jáne Uly dalanyń mádenı-tarıhı murasyn pash etetin ekspozıtsııalar keńistigin tamashalady.
Ásirese, biregeı arheologııalyq qazbalar, ejelgi zergerlik óner úlgileri, sonyń ishinde Esik qorǵanynan tabylǵan «Altyn adam» men Berel, Taldy-2, Taqsaı, Shilikti obalarynan shyqqan altyn buıymdar qoıylǵan Altyn zalyna erekshe nazar aýdaryldy.
Etnografııa zalynda qonaqtar qazaq halqynyń salt-dástúrimen, turmysymen, materıaldyq jáne rýhanı mádenıetimen tanysty.
Sondaı-aq belgııalyq sýretshi Djeıms Ensor shyǵarmalarynyń kórmesi usynyldy.
Belgııalyqtar Koroli men Patshaıymy Qurmetti qonaqtar kitabyna estelik jazba qaldyrdy.
