Memleket basshysy Amerıka Qurama Shtattaryna jumys saparymen barady
ASTANA. KAZINFORM – 18-19 aqpan kúnderi Memleket basshysy Qasym-Jomart Toqaev AQSh Prezıdenti Donald Tramptyń shaqyrýymen Beıbitshilik keńesiniń alǵashqy otyrysyna qatysý úshin Vashıngtonǵa jumys saparymen barady, dep habarlaıdy Aqorda.
Sammıt barysynda Gaza sektoryndaǵy ahýaldy turaqtandyrý máselesine basa mán beriledi. Atap aıtqanda, beıbitshilik ornatý, qaýipsizdikti qamtamasyz etý jáne gýmanıtarlyq kómek jetkizý boıynsha naqty sharalar ázirleýge den qoıylady.
Sonymen qatar sapar aıasynda Qasym-Jomart Toqaev amerıkalyq iri kompanııalardyń jetekshilerimen birqatar kezdesý ótkizedi.
Aıta keteıik, ótken jyldyń sońynda Tramp Toqaev pen Qazaqstandy Beıbitshilik keńesine shaqyrdy.
Qasym-Jomart Toqaev Beıbitshilik keńesiniń Jarǵysyna qol qoıǵany habarlanǵan bolatyn.
Qazaqstan Beıbitshilik keńesine kirý úshin 1 mlrd dollar jarna tólemeıdi.
Tramptyń Beıbitshilik keńesi týraly mynaý siltemeden jan-jaqty bile alasyz.