Oljas Bektenov BAQ qyzmetkerlerin kásibı merekemen quttyqtady
ASTANA. KAZINFORM – Qazaqstan Premer-Mınıstri Oljas Bektenovtiń Buqaralyq aqparat quraldary qyzmetkerleri kúnimen quttyqtady.
«Qurmetti BAQ qyzmetkerleri!
Sizderdi kásibı merekelerińizben shyn júrekten quttyqtaımyn!
Buqaralyq aqparat quraldary elimizdegi ıgilikti isterdiń jarshysy, ádiletti qoǵamnyń aınasy retinde shynaıy ómirimizdiń ajyramas bóligine aınaldy.
Jýrnalıstıka — orasan zor jaýapkershilikti, eren eńbekti jáne otanshyldyq rýh sııaqty uly qasıetti qajet etetin biregeı kásip. Bul oraıda qazaqstandyq jýrnalıster qaýymy eldigimizdi nyǵaıtý, ulttyq múddeni qorǵaý jolynda óz mindetterin múltiksiz atqaryp kele jatqanyn erekshe yqylaspen atap ótemin. Memlekettik deńgeıdegi kez kelgen máselede qoǵam Sizderdiń taraptaryńyzdan azamattyq jaýapkershilik pen kásibı biliktilikti aıqyn sezinip keledi.
Aqparat dáýirinde ıdeologııa maıdanynyń alǵy shebinde júrgen qýatty da básekege qabiletti otandyq medıanyń orny qashanda kósh ilgeri bolatynyna senimdimin.
Barshańyzdy tól merekelerińizben quttyqtaı otyryp, myqty densaýlyq, otbasylaryńyzǵa amandyq, eńbekterińizge jańa shyǵarmashylyq shabyt tileımin!», - dep jazylǵan quttyqtaýynda.
