Qazaqstan Premer-lıgasynyń 9-týr oıyndary bastaldy

ASTANA. KAZINFORM - Búgin fýtboldan Premer-lıga komandalary arasyndaǵy Qazaqstan chempıonaty 9-týry bastaldy.

Búgin, 17 mamyrda 16.00-de «Oqjetpes» (Kókshetaý) pen «Aqtóbe» oınasa, 17.00-de «Atyraý» men «Jetisý» (Taldyqorǵan) jasyl alańǵa shyǵady.

Erteń, 18 mamyrda 16.00-de «Ulytaý» (Jezqazǵan) men «Astana» oınasa, 18.00-de «Jeńis» (Astana) pen «Qyzyljar» (Petropavl), «Qaısar» (Qyzylorda) men «Turan» (Túrkistan), «Tobyl» (Qostanaı) men «Ordabasy» (Shymkent) sheberlik baıqasady.

Atalǵan týrdy «Elimaı» (Semeı) men «Qaırat» (Almaty) komandalary túıindeıdi.

Qazirge deıin týrnır kestesinde «Qaırat» - 23 upaımen kósh basynda kele jatsa, odan keıingi oryndardaǵy «Aqtóbeniń» - 22, «Astananyń» - 18 upaıy bar.

Surmergender kóshinde Dastan Sátpaev («Qaırat») pen Marın Tomasov («Astana») alty golmen alǵashqy oryndardy ózara bólisip tur.

Eske salsaq, budan buryn «Qaısar» bıyl óz alańynda alǵash ret jeńildi.