Qazaqstan Premer lıgasynda 2025 jyly eń kóp jankúıer jınaǵan klýb belgili boldy

ASTANA. KAZINFORM – «Qaırat» komandasy 2025 jylǵy maýsym qorytyndysy boıynsha Qazaqstan Premer lıgasyndaǵy eń kóp jankúıer jınaǵan klýb atandy. 

Kazfootball.kz sporttyq portalynyń málimetinshe, bıylǵy maýsymda «Qaırattyń» oıyndaryna jalpy sany 241 194 jankúıer kelgen. Naqtyraq aıtqanda, ár matchqa orta eseppen 9 277 kórermen jınalyp otyrǵan. 

Aıta keteıik, almatylyqtar buǵan deıin de kórermen sany boıynsha birneshe ret kósh bastaǵan. «Qaırat» úzdik kórsetkishke 2015–2017 jyldary qatarynan úsh maýsym boıy jáne 2021 jyly qol jetkizgen. 

Eske salsaq, budan buryn Zaınýtdınovtiń Qazaqstan ulttyq quramasynyń qarasha aıyndaǵy oıyndaryna qatyspaıtynyn jazǵanbyz.