Qazaqstan Premer-lıgasy tarıhyndaǵy tuńǵysh áıel tóreshi mansabyn aıaqtady
ASTANA. KAZINFORM - Qazaqstan fýtbolynda tarıhı sát: Elvıra Nurmustafına mansabyn aıaqtady. Ol tóreshi retinde sońǵy matchyn ótkizdi.
Bul týraly Qazaqstan Premer-lıgasynyń baspasóz qyzmeti habarlady. Elvıra Nurmustafına tóreshilik jolyn 2008 jyly bastady. 2010 jyly ol FIFA tóreshisi mártebesin aldy, al 2013 jyldan bastap Halyqaralyq sanattaǵy sýdıa boldy.
2021 jyly Nurmustafına Qazaqstan fýtbolynyń joǵarǵy deńgeıinde erler komandalary arasyndaǵy resmı matchta tóreshi bolǵan alǵashqy áıel bolyp tarıhqa endi.
Qyzmet atqarǵan jyldarda ol sport salasyndaǵy kásibılik pen turaqtylyqtyń sımvolyna aınaldy. Onyń tóreshilikti damytýǵa qosqan úlesi Qazaqstan fýtbol qaýymdastyǵy úshin mańyzdy kezeń boldy.
Nurmustafına ótkizgen sońǵy match sporttyq oqıǵa ǵana emes, jańa urpaqqa úlgi bolǵan dáýirmen qoshtasý boldy.
Aıta keteıik, fýtboldan Birinshi lıgada «Kaspıı» kósh basyna shyqty.